Шөнийн цагаар иргэдийн амгалан тайван байдлыг алдагдуулдаг зөрчил их гарч байна
Нийслэлд шөнийн цагаар дуу чимээ ихтэй, бүрэн бус тээврийн хэрэгсэлтэй, зориулалтын бус автомашины яндантай дрифт хийж, иргэдийн амгалан тайван байдлыг алдагдуулдаг зөрчил ихээр гарч байна.
Зөрчлийн тухай хуулинд 22:00 цагаас хойш олон нийтийн газарт иргэдийн тайван байдлыг алдагдуулвал хуулийн хариуцлага хүлээлгэх заалт байдаг. Тиймээс иргэдийн амгалан байдлыг хангах, хөдөлгөөний аюулгүй байдал, зам тээврийн осол, хэргээс урьдчилан сэргийлэх зорилгоор иргэдтэй хамтарч хяналт, шалгалтыг тогтмол зохион байгуулж байна гэж Тээврийн цагдаагийн албанаас мэдээллээ.