"5 бөхийн шинжилгээний хариу ирээгүй байна"

Цагаан сарын бөхийн барилдаанд шөвгөрсөн 16 бөхөөс допингийн шинжилгээ авсан. Уг шинжилгээний хариу ирж, зарлах хугацаа болсон ч Монголын үндэсний бөхийн холбоо "таг чиг" байна. 

Харин эх сурвалжийн мэдээллээр "11 бөхийн шинжилгээний хариу ирсэн. 5 бөхийн хариу ирээгүй байгаа" гэх мэдээлэл байна. Иймд МҮБХ шинжилгээний хариу бүрэн ирэхийг хүлээсэн байдалтай байгаа аж.

Өмнөх туршлагуудаас харахад, шинжилгээний хариу нь "асуудалтай" гарсан тохиолдолд удаж хоцордог түүхүүд бий. Тэгэхээр 4-5 бөхийн допингийн шинжилгээний хариу "эерэг" гарсан байх магадлалтай байна. Шинэчлэн баталсан журмаар "допингийн хариу баталгаажсан бол барилдах эрхийг нь 4 жилээр хасдаг" болоод байгаа билээ.