Сар шинийн хүчит бөхийн барилдааныг үзэх үзэгч болон бөхчүүд заавал шинжилгээ өгсөн байна
Сар шинийн хүчит бөхийн барилдаан өнөөдөр Монгол бөхийн өргөөнд 12:00 цагаас эхэлнэ. Маргааш буюу битүүний өдрийн барилдаан 14:00 цагаас үргэлжилнэ. Барилдаанд нийт 270 бөх бүртгүүлсэн байна.
Бөхчүүд болон үзэгчдэд коронавирусийн халдвараас сэргийлэх дараах зөвлөмжийг мөрдүүлэх аж.
- Барилдаан эхлэхээс 2-оос доошгүй цагийн өмнө ирж Монгол Бөхийн өргөөний гадна талбайд ажиллаж байгаа коронавируст халдвар илрүүлэх шинжилгээний цэгт, шинжилгээнд заавал хамрагдана.
- Бусад эрүүл мэндийн байгууллагуудад хийлгэсэн халдвар илрүүлэх шинжилгээний хариуг хүчингүйд тооцно.
- Хэрэв таны шинжилгээний хариу "Эерэг” гарсан тохиолдолд халдварын шинж тэмдэг илэрсэн эсэхээс үл хамааран бөхийн барилдаанд барилдах, үзэх боломжгүй болохыг анхааруулж байна.
- Амны хаалтны нөөцтэй ирэх ба амны хаалтыг тогтмол, зөв зүүж, 2 цаг тутамд болон бохирдсон тухай бүр сольж, тусгай хогийн цэгт хаяна.
- Ариун цэврийн өрөөгөөр үйлчлүүлсний дараа болон гарыг бохирдсон тухай бүр савандаж угаан, халдваргүйжүүлнэ.
Түүнчлэн үзэгчдийг үндэсний хувцсаа өмсөж ирэхийг МҮБХ-ноос уриаллаа.