УИХ-ын Н.Учралын хуульд тавьсан Ерөнхийлөгчийн хоригийг хүлээж авлаа

УИХ-ын гишүүн Н.Учрал “Олон нийтийн сүлжээнд хүний эрхийг хамгаалах, кибер аюулгүй байдлыг тухай хууль-”ийн төсөлд Монгол Улсын ерөнхийлөгч бүхэлд нь хориг тавьсан.

Энэ асуудлыг байнгын хорооны хурлаар хэлэлцэж, 90 хувийн санал асуулгаар Ерөнхийлөгчийн хоригийг хүлээн авсан байна.

УИХ-ын өнөөдрийн /2023.03.17/чуулганы нэгдсэн хуралдаанаар Олон нийтийн сүлжээнд хүний эрхийг хамгаалах тухай хууль болон дагалдан гарсан Харилцаа холбооны тухай хуульд нэмэлт, өөрчлөлт оруулах тухай, Кибер аюулгүй байдлын тухай хуульд нэмэлт оруулах тухай, Хүний хувийн мэдээлэл хамгаалах тухай хуульд нэмэлт оруулах тухай, Татварын ерөнхий хуульд өөрчлөлт оруулах тухай хуулиудад бүхэлд нь тавьсан Монгол Улсын Ерөнхийлөгчийн хоригийг хэлэлцсэн.

УИХ-ын чуулганы нэгдсэн хуралдаанд оролцсон 46 гишүүний 41 нь буюу 89.1 хувийн саналаар Ерөнхийлөгчийн хоригийг хүлээж авлаа.УИХ-ын гишүүдийн зүгээс дээрх хуулийн төслийг Засгийн газар дахин оруулж ирэх ёстой гэх байр суурийг илэрхийлэв.