Эрдэнэт ТӨҮГ-ын хамт олон улсын гуравдугаар төв эмнэлэгт маск хандивлалаа.

Дэлхий нийтэд үүсээд буй аюулт тахал өвчний эсрэг Монголчууд бид бүгдээрээ эрвийх дэрвийхээрээ тэмцэж, хичээж байгаа энэ цаг үед Монгол Улсын манлай үйлдвэр Эрдэнэт ТӨҮГ-ын Улаанбаатар хотын төлөөлөгчийн газрын хамт олон бид өөрсдийн нэг өдрийн цалингаар ариутгалын спирт, маскыг авч, П.Н.Шастны нэрэмжит улсын гуравдугаар төв эмнэлэгийн хамт олонд хандивлалаа.

Улсын III эмнэлэгийн амбулаториор жилд 250,000 хүнд үзлэг шинжилгээ хийгдэж, 18000-20000 хүн хэвтэн эмчлүүлдэг байна. Хэвийн үед, сард 1500 маск тус эмнэлэгт хэрэглэгддэг байсан бол одоо 4 дахин ихээр маск хэрэгтэй байгаа гэдгээ тэд хэлж байлаа. Эрүүл энхийн манаанд зогсож буй Анагаах ухааны доктор, Ц.Төмөр-очир даргатай хамт олон, эмч, сувилагч, Та бүхэндээ эрхэм дээд, гэгээн сайхан бүхнийг хүсье! Мөн Улсын манлай үйлдвэр Эрдэнэт ТӨҮГ-ын Улаанбаатар хотын төлөөгчийн газрын хамт олондоо уг санаачлагыг хэрэгжүүлж, нийгмийн хариуцлагын хүрээнд сэтгэлийн гэрэл асаасан Та бүхнийхээ амьдралд сайн сайхныг хүсье!