Цасан шуурга шуурсны улмаас аврах ажиллагаа удаашруулж, нас барагсдын тоо 4300 хүрлээ
Турк, Сирид болсон хүчтэй газар хөдлөлтийн дараах аврах ажиллагаа өргөн хүрээтэй үргэлжилж байна. Гэвч цаг агаарын таагүй нөхцөл байдал тусламжийн ажилчдад төвөг болж байгаа аж.
Туркийн Эрүүл мэндийн сайд Фахреттин Кока "Цаг агаарын нөхцөл байдлаас шалтгаалан аврах ажиллагааны нисдэг тэрэгнүүд хөөрч чадахгүй байна" гэв.
Одоогоор тус бүс нутгуудад цагдаа, Онцгой байдлын газар, зэвсэгт хүчний цэргүүд, хотын төрийн байгууллагын ажилчид гээд олон хүнийг аврах ажиллагаанд дайчилсан байна.
Турк, Сирийг донсолгосон 7.8 магнитудын хүчтэй газар хөдлөлт Туркийн Газиантеп мужийн Нурдаги хотоос зүүн зүгт 23 км-т газрын гадаргаас 24.1 км гүнд болсон. Сүүлийн мэдээгээр хоёр улсад нас баран хүний тоо 4300 (Турк 2921, Сири 1451) давж, 18 мянган хүн бэртжээ.