Жагсагчид хасах 30 хэмийн хүйтэнд төв талбай дээр хоносоор байна
Нүүрсний хулгай, инфляци, Монголын нийгэм дэхь авилга, шударга бус байдлыг эсэргүүцсэн иргэдийн жагсаал Нийслэлийн төв талбайд долоо дахь өдрөө үргэлжилж, улам хүрээгээ тэлсээр байна. Жагсаалыг дэмжсэн маш олон иргэд халуун хоол, цай, аарц бэлдэн авчирч, жагсагчдад өгч буй нь шинэ содон үзэгдэл болж буй юм.
Гэвч эрх баригчид, бүр тодруулбал Нийслэлийн Засаг Дарга бөгөөд Улаанбаатар хотын захирагч Д.Сумьяабазар жагсагчдад гэр барих зөвшөөрөл олгохгүй байгаа билээ. Үүнээс үүдэн жагсагчдын төлөөллүүд хасах 30 хэмийн хүйтэнд төв талбайн хүйтэн зам дээр хоносоор байна.
