Украин дахь биологийн лабораторийн асуудлаар НҮБ-ын Аюулгүйн зөвлөлийг хуралдуулах хүсэлтийг ОХУ гаргажээ
НҮБ-ын Аюулгүйн зөвлөлийг Украин дахь биологийн лабораторийн асуудлаар хуралдуулах хүсэлтийг ОХУ гаргажээ. Энэ талаар НҮБ-д суугаа ОХУ-ын нэгдүгээр орлогч төлөөлөгч Дмитрий Полянский твиттер хуудсандаа бичсэн бөгөөд Украин дахь НҮБ-ын Аюулгүйн Зөвлөлийг баасан гаригт хуралдуулах хүсэлт гаргаж, АНУ-ын цэрэг-биологийн үйл ажиллагааны талаар хэлэлцэх саналыг оруулсан гэжээ.
ОХУ-ын Батлан хамгаалах яам өмнө нь Америкийн цэргийн биологийн хөтөлбөрт оролцсон Украин дахь биологийн лабораториудын үйл ажиллагаанд АНУ 200 гаруй сая доллар зарцуулсан тухай танилцуулга хийсэн юм.
Украин дахь АНУ-ын цэргийн биологийн үйл ажиллагаатай холбогдуулан ОХУ Биологийн болон хорт зэвсгийг хориглох тухай конвенцийн (BTWC) дагуу зөвлөлдөх механизмыг эхлүүлэхийг үгүйсгэхгүй хэмээн Оросын ГХЯ-ны хэвлэлийн төлөөлөгч Мария Захарова мэдэгдэж байв.
Мөн Украин дахь АНУ-ын санхүүжилттэй биологийн лабораториудын талаарх мэдээллийн талаар Хятадын ГХЯ-ны төлөөлөгч Жао Лицянь Вашингтоныг дотоод болон гадаад дахь биологийн цэрэгжилтийн үйл ажиллагаагаа тодорхой болгохыг уриалаад байна.
Төрийн департаментын хэвлэлийн төлөөлөгч Нед Прайс хэлэхдээ, Украин дахь био лаборатори дахь АНУ-ын оролцоо нь хаа нэг аюулгүй байдлын тусламжаар хязгаарлагдаж байгаа гэжээ.
Эх сурвалж: РИА НОВОСТИ