Намагт шигдэж, осголтын байдалтай байсан эмэгтэйг аварчээ

Сэлэнгэ аймгийн Сүхбаатар сумын нутагт намагт нэг хүн шигдсэн тухай дуудлага өчигдөр буюу аравдугаар сарын 21-ний өдөр бүртгэгджээ. Дуудлагын дагуу тус аймгийн Онцгой байдлын газрын Эрэн хайх, аврах ангийн алба хаагчид очиход “Дунд намаг" гэх газраас хойд зүгт 2 км-т 25 настай эмэгтэй Э намагт шигдсэн, осголтын байдалтай байсныг аварч гарган эмнэлгийн анхны тусламж үзүүлж, аймгийн Нэгдсэн эмнэлэгт хүлээлгэн өгсөн талаар албаныхан мэдээллээ.