Их хэмжээний өртэйн улмаас эцэг эх нь гурван хүүхдээ орхиод амиа хорложээ
Баянзүрх дүүрэгт байрлах зочид буудалд 30, 32 настай эрэгтэй, эмэгтэй хоёр хүн хоолойгоо боомилж амиа хорлосон талаар бид мэдээлсэн. Тодруулбал, Баянзүрх дүүргийн наймдугаар хорооны нутаг дэвсгэрт байрлах нэгэн зочид буудалд тус хэрэг гарсан байна. Хэргийг Баянзүрх дүүргийн цагдаагийн гуравдугаар хэлтэс шалгаж байгаа аж.
Бидэнд олдсон мэдээллээр, тухайн хоёр иргэн нь гэр бүлийн эхнэр нөхөр байсан ба гурван хүүхэдтэй байжээ.
Амиа хорлох болсон шалтгаан нь их хэмжээний өр ширтэй байсан тул гэрээслэл үлдээгээд ийнхүү амиа хорлосон гэлээ.