ШУУРХАЙ: Ерөнхий сайд асан Ж.Эрдэнэбатыг баривчиллаа

Дөнгөж сая Ерөнхий сайд асан, УИХ-ын гишүүн Ж.Эрдэнэбатыг шүүхийн шийдвэрээр хуулийн байгууллагаас хойшлуулшгүй ажиллагаа явуулж баривчиллаа. Түүнийг Их тэнгэрийн амны ойролцоох гэрээс нь баривчилж, хорих 461 дүгээр анги руу авч явсан байна. Эргэн сануулахад, энэ сарын 11-нд Сүхбаатар дүүргийн Эрүүгийн хэргийн анхан шатны шүүхээс түүнийг цагдан хорих захирамж гаргасан. Тус захирамж түүнийг шүүх хуралдаанд өөрийн биеэр ирээгүй, мөн шүүхэд барьцаа болгон өгөх 10 тэрбум төгрөгөө байршуулаагүй гэх шалтгаанаар гарсан гэх мэдээллийг эх сурвалжууд өгч байгаа юм.