Н.Номтойбаяр: “Шүүхээс намайг үндэслэлгүй шийдвэрээр цагдан хорьж байгаа ч нэр дэвшигч хэвээрээ шүү, ард түмэн хүчтэй шүү”

Өнөөдөр Баянзүрх, Чингэлтэй, Сүхбаатар дүүргийн Эрүүгийн хэргийн анхан шатны шүүхэд Н.Номтойбаярт холбогдох хэргийн шүүх хурал боллоо. Н.Номтойбаярыг ШШГЕГ-ын харьяа Цагдан хорих 461 дүгээр ангиас авчирсан юм. Шүүх бүрэлдэхүүн Н.Номтойбаярыг үргэлжлүүлэн цагдан хорих шийдвэрийг гаргасан төдийгүй шүүх хурлыг энэ сарын 17-ны өдрийг хүртэл хойшлууллаа. Энэ үеэр яллагдагч Н.Номтойбаяр өмгөөлөгчөөрөө дамжуулан “Шүүхээс намайг үндэслэлгүй шийдвэрээр цагдан хорьж байгаа ч нэр дэвшигч хэвээрээ шүү, ард түмэн хүчтэй шүү” гэх үгийг хэлүүлсэн байна.