Адуу сургаж байгаад голд осолдож амь насаа алджээ

 

 


Өвөрхангай аймгийн Бат-Өлзий сумын малчин 18 настай У гэгч нь  Улаан-Ам багийн "Битүүтийн Баян нуур” гэдэг газар адуу сургаж байгаад "Баян нуур”-ын усанд осолджээ.

Тодруулбал, дуудлагыг зургаадугаар сарын 02-ны өдрийн 17:30 цагийн орчимд аймгийн Онцгой Байдлын газарт өгсөн байна.  Өвөрхангай аймгийн Онцгой байдлын газрын Эрэн хайх, аврах салбар, сумын Цагдаагийн хэсгийн алба хаагчид, сумын Засаг даргын Тамгын газрын ажилтнууд, ар гэрийнхэн эрэн хайх ажиллагааг зохион байгуулсан байна.  Ингээд зургаадугаар сарын 03-ны өдрийн 02:20 цагт найман метрийн гүнээс цогцсыг гаргаж, цагдаагийн байгууллагад шилжүүлж өгсөн.