Ч.Алтангэрэл "Олимпын аварга"-ын дайтай аварга боллоо

Powerlifting-ийн 3 төрөлт "Дэлхийн цомын аварга” шалгаруулах тэмцээн энэ оны арваннэгдүгээр сарын 24-27-ны өдрүүдэд Киргизстаны Бишкек хотноо болж өндөрлөлөө. Powerlifting-ийн 3 төрөлт тэмцээн нь олимпид хараахан ороогүй тул Дэлхийн цомын аварга шалгаруулах цэмцээн нь уг спортын хамгийн дээд цэг нь юм. Энэ удаагийн тэмцээнд 35 улсын 370 тамирчин өсрөлдсөнөөс Ч.Алтангэрэл 82.5 кг-д амжилттай оролцон аваргын алтан медалийг энгэртээ гялалзуулан Монгол Улсынхаа төрийн далбааг мандууллаа. Булган аймгийн Сайхан сумын харъяат тэрбээр Powerlifting-ийн 3 төрөлт спортод 2019 оноос хөл тавин тууштай хичээллэж эхэлсэн бөгөөд 2021 онд Дэлхийн аварга, 2022 онд Азийн цомын аварга, 2022 онд Дэлхийн цомын эзнээр тус тус тодорч эх орныхоо нэрийг өндөрт өргөн мандуулж яваа тамирчин юм.