Энэ оны эхний сарын байдлаар 540 иргэн 44 тэрбум төгрөгийн ипотекийн зээл авчээ
2022 оны нэгдүгээр сарын 31-ний өдрийн байдлаар 540 иргэнд 43.6 тэрбум төгрөгийн орон сууцны ипотекийн зээлийн санхүүжилтийг олгосон байна.
Ипотекийн зээлийг:
- 2017 онд 6,026
- 2018 онд 3,909
- 2019 онд 4,815
- 2020 онд 5,594
- 2021 онд хамгийн их буюу 13,292 иргэн тус тус авчээ.
УИХ-аас 2021 оны 12 дугаар сард Цар тахлын хуулийг дахин хагас жил сунгасан тул ипотекийн зээлийн эргэн төлөлтийг 2022 оны зургаадугаар сарын 30-ны өдрийг дуустал хүү хуримтлуулж тооцохгүй нөхцөлөөр хойшлуулж эхэлсэн юм.
Өнгөрсөн сард ээлжит бус чуулганаар цар тахлын хуулийг дахин хэлэлцэж 2022 оныг дуустал сунгасан ч ипотекийн зээлийн эргэн төлөлтийг мөн он дуустал сунгаж болох эсэх шийдвэр Төв банкнаас гараагүй байна.