ПОП Ж.Батзандан гишүүн талбайд жагсаж, ПООШИГ нүдэх нь

Хууль зүй ухааны доктор Ж.Батзандан эрс шинэчлэл хөдөлгөөн гэгчийг анх үүсгэн байгуулж, одоогийн АН-ын нарийн бичгийн дарга О.Магнайтай хамт жагсаж, цагаан хоолой барин  орилж явсаар сохор азаар улстөрд орсон нэгэн.

Түүнд поошиг нүдэх, популизм хийх шиг амархан, мэргэжлийн зүйл байхгүй аж. УИХ-ын гишүүн Ж.Батзандангийн хэлсэн  үг болгон ард түмэнд таалагдаж, тэр хэмжээгээрээ дэмжлэг авсан. Шударга ёсыг цогцлооно хэмээн  хашгирсан түүний үгний цаана ахынх нь албан тушаал байнга өсөж, эхнэрийнх нь бизнес улам хөгжин  цэцэглэдэг гэдгийг АН-ын дарга С.Эрдэнэ нэгэнтээ хэлсэн.

Хүн анх хаана, ямар байснаа байнга сана гэж үнэн юм. Анх л поошиг нүдэж, цагаан хоолойгоор хашгирч явсан залуухан хүү одоо ордныхоо үнэтэй суудлаас хөндийрч, дахин жагсаж, поошиг нүдэх  гэнэ.

Тэр зөвшөөрлөө ч авчихлаа. ЦЕГ, ТЕГ-ын удирдлагуудтай уулзаж, тайван жагсаал зохион байгуулах гэж байгаагаач дуулгалаа. Учир нь Л.Болд,  Л.Оюун-Эрдэнэ нарын хамтаар УИХ-ын даргыг огцрохыг шаардсан ард түмний эсэргүүцлийн цуглаан зохион байгуулах гэж байгаа.