Украины Батлан хамгаалах салбарын авлигын асуудалд холбогдсон этгээд хээл хахууль өгсөн байж болзошгүй
2019 оны 3 дугаар сард тухайн үеийн Ерөнхийлөгч Петр Порошенкогийн ойрын хүмүүс батлан хамгаалах салбарт хөрөнгө шамшигдуулж буй асуудлыг "Bihus.info" мэдээлсэн. Үндэсний аюулгүй байдал, батлан хамгаалах зөвлөлийн нарийн бичгийн даргын хүү, өөрийн найз Рогоза, Жуков нартай хамтран ОХУ-аас хууль бусаар, өндөр үнээр сэлбэг авахдаа “Оптимумспецдеталь" компанийг ашигласан байна.
Украин Улсын цэргийн техникийн зарим хэсгийг ОХУ-аас хууль бусаар авч байсныг тухайн үеийн Ерөнхий прокурор Юрий Луценко нотолсон. Тус хэрэгт холбогдсон В.Жуковыг хээл хахууль өгсөн байж болзошгүй гэж Үндэсний авлигатай тэмцэх хороо үзэж байгаа юм. 2020 оны намар гэхэд батлан хамгаалах салбарт оршиж байсан авлигын сүлжээг бүрэн илрүүлж, хэргийн нөхцөл байдлыг тодорхой болгоно хэмээн Үндэсний авлигатай тэмцэх хорооны дарга А.Сытник мэдэгдэв.
Шалгах ажиллагаа 3 жил гаруй үргэлжилж байна. Рогоза болон Жуков нарыг татвараас зайлсхийсэн, мөнгө угаасан, хээл хахууль өгсөн зэрэг асуудалд буруутгаж байгаа юм.
Эх сурвалж: pravda.com.ua