Украины онгоцыг "санамсаргүйгээр сөнөөснийг” Ираны эрх баригчид хүлээн зөвшөөрчээ

Украины зорчигч тээврийн нисэх онгоцыг “санамсаргүйгээр сөнөөсөн” гэж Ираны эрх баригчид мэдэгджээ. Энэ тухай “Associated Press” агентлаг Ираны эрх баригчдын албан ёсны мэдээллээс иш татан саяхан уламжиллаа. Энэхүү эмгэнэлт явдлын шалтгаан нь “хүний хүчин зүйл” байсныг онцлон тэмдэглэсэн байна.

Украины онгоц осолдсон шалтгаан нь АНУ-ын "балмад явдлын" улмаас үүссэн хямралын үеэр гаргасан "хүний алдаа" байсан гэж Ираны Гадаад хэргийн сайд Жавад Зариф мэдэгджээ. Зариф Ираны ард түмэнд болон эмгэнэлт явдлын улмаас амиа алдсан хүмүүсийн ар гэрийнхэнд эмгэнэл илэрхийлээд, уучлал хүссэн байна.