Б.Содномдаржаа, Т.Чимгээ нарын өрөөнд Ц.Амгаланбаатар орж тамлан эрүүджээ
С.Зоригийн амь насыг хөнөөсөн хэргийг мөрдөхдөө эрүүдэн шүүсэн ажиллагаа явуулсан бичлэгийг гишүүдэд хаалттай үзүүллээ. Эрүүдэн шүүсэн бичлэгийн талаарх гишүүдийн байр суурийг сонслоо.Даралт ихтэй хүн үзэж хэрэггүй
УИХ-ын гишүүн Ө.Энхтүвшин:
-Маш муухай юм байна. Өөр хэлэх зүйл алга. Үгээр хэлэхийн аргагүй. Даралт ихтэй хүн үзэж хэрэггүй юм байна.
Хэрэг нь тогтоогдоогүй үед эрүүдэн шүүж болохгүй
УИХ-ын гишүүн М.Оюунчимэг:
-Хууль шүүхийн байгууллагаар хэрэг нь тогтоогоогүй үед эрүүдэн шүүх ажиллагаа явуулж болохгүй. УИХ энэ асуудлыг шударгаар, зөв шийдвэр гаргах ёстой гэж бодож байна.
Хорих өрөөнд наад захын агааржуулагч, ус, жорлон байхгүй байна
УИХ-ын гишүүн С.Чинзориг:
-Засгийн газар энэ бичлэгийг мөрдөн байцаах үйл ажиллагаанд саад болохгүй хэсгийг үзүүллээ. 20 орчим минутын бичлэгийг үзэхэд Монголд ийм зүйл байдаг юм болов уу гэж гайхмаар байна. 461 дүгэээр саатуулах төвд Энгийн хүний наад захын агааржуулагч, ус, жорлон байхгүй байна.
Б.Содномдаржаагийн өрөөнд Амгаланбаатар ялтанг оруулж, шөнөжин унтуулахгүй тамлан зовоож эрүүдсэн байна. Мөн Чимгээгийн өрөөнд н.Амгаланбаатар орж, хэргээ хүлээ гэж дарамталсан бичлэг байна.
Хуулийн байгууллагад хар толбо болжээ
УИХ-ын гишүүн Ж.Энхбаяр:
-Нэлээн айхтар зүйл харлаа. Төр иргэнээ шударга хууль ёсыг сахиулах ёстой. Хууль биелүүлэх ёстой улс ийм байдалд орооцолдсон байна. Хуулийн байгууллагад хар толбо болжээ.